ഹിമാലയൻ സിദ്ധാശ്രമ യോഗ സാധക കേന്ദ്രം (HSYSK)

യോഗോപാസന കേന്ദ്രത്തിന്റെ ആഭിമുഖ്യത്തിൽ ഇന്ന് ( 26/01/2020 )  കോട്ടയം ജില്ലയിലെ വൈക്കത്ത് നടന്ന യോഗമുദ്രാ ക്ലാസ്. പങ്കെടുത്ത എല്ലാവർക്കും നന്ദി🙏🌹 🔥 യോഗോപാസന കേന്ദ്രം🔥

യോഗമുദ്രാ ക്ലാസ് (2020 ജനുവരി 26, ഞായർ വൈക്കത്ത് ) വിശദ വിവരങ്ങൾ സ്ഥലം: കോട്ടയം ജില്ലയിലെ വൈക്കം മഹാദേവ ക്ഷേത്രത്തിന് സമീപമുള്ള ചാലപറമ്പ് എന്ന സ്ഥലത്തെ യോഗോപാസനാ കേന്ദ്രത്തിൽ വച്ചാണ് ക്ലാസ് നടക്കുന്നത് സമയം : 2020 ജനുവരി 26 ഞായറാഴ്ച, രാവിലെ 9.30 മുതൽ 1.30 വരെ ക്ലാസിൽ പങ്കെടുക്കാൻ മുൻകൂട്ടി പേര് രജിസ്റ്റർ ചെയ്തവർ ക്ലാസിൽ വരുമ്പോൾ പരിശീലനങ്ങളുടെ നോട്ട്സ് എഴുതാൻ ഒരു ബുക്കും, പേനയും പരിശീലനങ്ങൾ ചെയ്യാൻ ഒരു യോഗാമാറ്റ് / ബഡ് ഷീറ്റ് എന്നിവയും കരുതുക. യോഗാ കേന്ദ്രത്തിലേയ്ക്കുള്ള വഴി :  ട്രയിനിന്  വരുന്നവർ പിറവം റോഡ് / വൈക്കം റോഡ് എന്നീ സ്റ്റേഷനുകളിൽ ഇറങ്ങുക. അവിടെ നിന്ന് വൈക്കത്തേയ്ക്ക് ബസ് ലഭ്യമാണ്. അവിടെ നിന്നും യോഗാ കേന്ദ്രത്തിലെത്തിച്ചേരാം ബസിനാണ് വരുന്നവർ വൈക്കം 'വലിയ കവല ' യിൽ ഇറങ്ങുക. അവിടെ നിന്ന് തലയോലപ്പറമ്പ് റൂട്ടിലേയ്ക്കുള്ള Local Bus -ൽ കയറുക. വലിയ കവലയിൽ നിന്നും രണ്ടാമത്തെ സ്റ്റോപ്പായ ' ചാലപ്പറമ്പിൽ ' ഇറങ്ങുക. ബസ്സ്റ്റോപ്പിന് സമീപമുള്ള ' കാർത്യാകുളങ്ങര അയ്യപ്പസ്വാമി ക്ഷേത്ര റോഡിലൂടെ 5 മിനിറ്റ് നടന്നാൽ ഗവ: ഹോമിയോ ഡിസ്പൻസറിയ്ക്ക് സമീപമു...

പ്രാണശക്തികളും, അവയുടെ ധർമ്മങ്ങളും ----------------🔥--------------- നമ്മുടെ ശരീരത്തിൽ കുടികൊള്ളുന്ന  ദൈവീക ശക്തിയാണ്  പ്രാണൻ.  നമ്മെ ജീവിപ്പിക്കുന്ന/ നിലനിർത്തുന്ന / നയിക്കുന്ന / നിയന്ത്രിക്കുന്ന ശക്തി വിശേഷം  #പ്രാണനാണ്. ഒരു ഓഫീസിൽ വിവിധ ജോലികൾ ചെയ്യാൻ മാനേജർ, ക്ലർക്ക്, അക്കൗണ്ടന്റ്, പ്യൂൺ, സെക്യൂരിറ്റി എന്നിവർ ഉള്ളതുപോലെ, അവർ തങ്ങളിൽ നിക്ഷിപ്തമായ ചുമതലകൾ കൃത്യമായി നിറവേറ്റുന്നതു പോലെ നമ്മുടെ ശരീരത്തിൽ നടക്കുന്ന കോടാനുകോടി ജൈവ - രാസ പ്രവർത്തനങ്ങളെ നിയന്ത്രിക്കുന്ന / നയിക്കുന്ന / ഏകോപിപ്പിക്കുന്ന / ആരോഗ്യവത്താക്കുന്ന സൂഷ്മ ശക്തികളാണ് പ്രാണനുകൾ. *10 പ്രാണശക്തികൾ* 1. *പ്രാണൻ* നമ്മുടെ ശരീരത്തിന്റെ  ഹൃദയ ഭാഗത്ത്, സൂഷ്മ ശരീരത്തിൽ #അനാഹത ചക്രത്തിലിരുന്ന് നെഞ്ചിന്റെ ഭാഗത്തുള്ള സർവ്വനാഡീഞരമ്പുകളേയും, അംഗങ്ങളേയും, വിശിഷ്യ ശ്വാസകോശം, ഹൃദയം എന്നീ അവയവങ്ങൾക്കും ചൈതന്യം പകരുന്നതും , പ്രവർത്തിപ്പിക്കുന്നതും ഈ പ്രാണശക്തിയാണ്. 2. *അപാനൻ* ഈ പ്രാണൻ കുടികൊള്ളുന്നത് #മൂലാധാര ചക്രസ്ഥാനമായ ഗുദ ഭാഗത്താണ്. അത് ചെറുകുടലിന്റെ പ്രവർത്തനത്തെ നിയന്ത്രിച്ച് ശരീരത്തിലേയ്ക്ക് ...

യോഗ മുദ്രകൾ (ഭാഗം 2) മുദ്ര എന്ന വാക്കിന് നിരവധി അർത്ഥങ്ങളുണ്ട്. 'മു ' എന്ന അക്ഷരത്തിന്  സന്തോഷം , ആനന്ദം എന്നിങ്ങനെയും, 'ദു ' എന്നതിന് നേടുക, ധരിക്കുക എന്നീ അർത്ഥങ്ങളും കൊടുക്കാറുണ്ട്. അപ്പോൾ 'മുദ്ര' എന്ന പദത്തിന് സന്തോഷം / ആനന്ദം നേടി തരുന്നത് / സൃഷ്ടിക്കുന്നത് എന്നൊക്കെ അർത്ഥം വരും. അതായത് ഒരു മുദ്രയുടെ ആചരണം നമ്മുടെ ഉള്ളിൽ അളവറ്റ ആനന്ദത്തെ , സന്തോഷത്തെ പ്രാദാനം ചെയ്യുമെന്ന് പറയാം. മുദ്ര എന്നതിന് അടയാളം, ചിഹ്നം, തിരിച്ചറിവ്, സുരക്ഷിതമാക്കൽ  എന്നീ അർത്ഥങ്ങളുമുണ്ട്. ദുഷ്യന്തൻ ശകുന്തളയ്ക്ക് മുദ്രാ മോതിരം സമ്മാനിക്കുന്നത് തങ്ങളുടെ പ്രണയം സുരക്ഷിതമാക്കുന്നതിന് വേണ്ടിയായിരുന്നു. ശകുന്തളയ്ക്ക് മോതിരം നഷ്ടപ്പെട്ടതോടെ നിരവധി പ്രശ്നങ്ങൾ നേരിടേണ്ടി വന്നു. അതായത്  മുദ്രയുടെ ആചരണം നമ്മിൽ സുരക്ഷയുടെ കവചം സൃഷ്ടിക്കുന്നു എന്ന് ചുരുക്കം. നാം യോഗമുദ്രകൾ അനുഷ്ഠിക്കുന്നത് ആരോഗ്യത്തിനും സന്തോഷത്തിനും വേണ്ടിയാണ്. 'ഭദ്രം കരണീയം ഇതി മുദ്രാ ' എന്നും, 'മുദം ദതാതി ഇതി മുദ്രാ ' എന്നുമുള്ള ശ്ലോകങ്ങൾ അർത്ഥമാക്കുന്നതും മുകളിൽ കൊടുത്ത ഇതേ അർത്ഥ തലങ്ങൾ തന്നെയാണ്. അ...

യോഗമുദ്രകൾ ( ഭാഗം: 1) യോഗശാസ്ത്രത്തിലെ സുപ്രധാനമായ ഒരു പരിശീലന സമ്പ്രദായമാണ് മുദ്രകൾ. പഞ്ചഭൂതാത്മകമായ നമ്മുടെ ശരീരത്തെ ഊർജ്ജവൽക്കരിക്കുന്നതിനൊപ്പം, മനസിന്റെ വിക്ഷോഭങ്ങളെ അടക്കി മനശാന്തി കൈവരുവാനും, ബൗദ്ധിക ഉണർവിനും, ആത്മീയ വികാസത്തിനും മുദ്രകളുടെ ആചരണം ഒരുവനെ സഹായിക്കുന്നു. പ്രപഞ്ച ഘടനയുടെ മൂലതത്വങ്ങളായ പൃഥ്വി, ജലം, അഗ്നി, വായു, ആകാശം എന്നീ പഞ്ച തത്വങ്ങളാൽ നിർമ്മിതമാണ് മനുഷ്യ ശരീരവും. ഈ അഞ്ച് മഹാ തത്വങ്ങളുടെ കൂടിച്ചേരലുകളിൽ നിന്നാണ് സർവ്വ ചരാചരങ്ങളുടെ ഉത്ഭവമെന്ന് ചുരുക്കം. ഈ പഞ്ചമഹാ തത്വങ്ങളുടെ സംയോജനം നമ്മുടെ ശരീരത്തിലാകമാനവും വിശിഷ്യാ  കൈവിരലുകളിലും കാണാം. നമ്മുടെ കൈവിരൽ തുമ്പുകളെ വ്യത്യസ്ഥമായ രീതികളിൽ കൂട്ടിയിണക്കി, പരസ്പരം സ്പർശിച്ചു കൊണ്ട് അനേകം മുദ്രകളെ സൃഷ്ടിക്കാം. മനുഷ്യ ശരീരത്തെ ഒരു വലിയ യന്ത്രമായി സങ്കൽപ്പിച്ചാൽ , ആ യന്ത്രത്തെ നിയന്ത്രിക്കുന്ന സ്വിച്ചിനെ പോലെ മുദ്രകൾ ശരീരത്തെ നിയന്ത്രിക്കുന്നു. മുദ്രാനുഷ്ഠാനത്തിലൂടെ ശരീരത്തിൽ സ്ഥിതി ചെയ്യുന്ന മൂല തത്വങ്ങളുടെ ഊർജ്ജ തരംഗങ്ങളെ സ്വാധീനിക്കുവാനും അതിലൂടെ പഞ്ചഭൂത തത്വങ്ങളെ സന്തുലിതമാക്കി നമ്മുടെ ശരീര - മനോ മണ്ഡലങ്ങളെ ശക്...