ഹിമാലയൻ സിദ്ധാശ്രമ യോഗ സാധക കേന്ദ്രം (HSYSK)

ബുദ്ധൻ പുഞ്ചിരിക്കുമ്പോൾ.... ( അതിപുരാതനമായ വിപശന ധ്യാന വിദ്യയെക്കുറിച്ചുള്ള ലേഖനം :- തയ്യാറാക്കിയത് : എ.വി. കൃഷ്ണകുമാർ ) **************************** ഭാഗം :1 മനുഷ്യമനസ് സമുദ്രം പോലെ അഗാധവും, ആകാശം പോലെ വിസ്തൃതവുമാണ്.  വിഷാദത്തിന്റെയും, വികലതയുടെയും നീർ ചുഴികളാലും ക്രോധത്തിന്റെയും, ദുഃഖങ്ങളുടെയും അലമാലകളാലും പലപ്പോഴും സംഘർഷ ഭരിതമാണ് മനുഷ്യ മനസ്. മാനസിക പിരിമുറുക്കങ്ങൾ, മനോ സംഘർഷങ്ങൾ, ദേഷ്യം, സങ്കടം, -ve ചിന്തകൾ, അശുഭ വികാരങ്ങൾ - വിഷാദങ്ങൾ- ആശങ്കകൾ, മോഹഭംഗങ്ങൾ, ആത്മവിശ്വാസമില്ലായ്മ്മ, അകാരണമായ ഭയം എന്നിവയാൽ മനോനില തെറ്റിയ / മനോ രോഗികളായ അനേകായിരങ്ങൾ നമുക്ക് ചുറ്റുണ്ട്. നാമും ഇതിൽ നിന്ന് വിഭിന്നമല്ല. ലോക ജനസംഖ്യയുടെ നല്ലൊരു ശതമാനം ആളുകളും പല തരത്തിലുള്ള മാനസിക സംഘർഷങ്ങളാൽ ഉഴലുന്നവരാണ്...! ചില വ്യക്തികളിൽ നിന്ന്  അല്ലെങ്കിൽ  കുടുംബത്തിൽ നിന്ന്, ജോലി സ്ഥലത്ത് നിന്ന്, അല്ലെങ്കിൽ നാം ഇടപെടുന്ന പല മേഖലകളിൽ നിന്ന് മാനസിക സംഘർഷങ്ങൾ പലപ്പോഴും നേരിടേണ്ടി വരുന്നു.!! മാനസിക സംഘർഷങ്ങളുടെ കാരണമെന്താണ്? എന്താണിതിന് പരിഹാരം? മനസിനെ ശാന്തമാക്കാൻ എന്താണ് വഴി? മനുഷ്യരാശിയുടെ ഉ...

യന്ത്ര യോഗം / യന്ത്ര നിർമ്മിതി എന്നത് യഥാർത്ഥത്തിൽ ഭാരതത്തിൽ ഉള്ളത് തന്നെ. ആത്മീയ / മന്ത്ര ശക്തിയുള്ള ഒരു ശരിയായ ഗുരുവിന് / ആചാര്യന് പ്രസ്തുത ശക്തിയെ ഒരു തകിടിലോ / ഏലസിലോ / യന്ത്രത്തിലോ / കല്ലിലോ സന്നിവേശിപ്പിച്ച് ചൈതന്യവൽക്കരിക്കാൻ കഴിയും. നിശ്ചിത ഉദ്ദേശത്തോടെ /  സങ്കൽപത്തോടെ ചെയ്യുന്ന ( കാമ്യ / ആത്മീയ ഫല സിദ്ധി)  ഈ ശക്തി ചാലനത്താൽ പ്രസ്തുത വസ്തു Active ആവുകയും, ഉദ്ദേശിക്കുന്ന ഫലസിദ്ധി നൽകാൻ പ്രാപ്തമാവുകും ചെയ്യും. എന്നാൽ ഇന്ന് യന്ത്ര നിർമാണ രഹസ്യം, അതിലേയ്ക്കുള്ള ശക്തി ചാലനം ഒക്കെ അറിയാവുന്നവർ വിരളമാണ്. ഏതെങ്കിലും ഒരു പ്രസിലെ അച്ചിൽ വാർത്തെടുത്ത്, വിപണി കൈയ്യടക്കാനുള്ള / പണം സമ്പാദിക്കാനുള്ള ഒന്നായി ചിലർ ഇതിനെ ദുരുപയോഗം ചെയ്യുന്നു എന്നത് കഷ്ടമാണ്. മന്ത്രത്തിന്റെ പേരിൽ / യന്ത്രത്തിന്റെ പേരിൽ / ആത്മീയ ഗുരുക്കന്മാർ ചമഞ്ഞ് ചിലർ സാധാരണ മനുഷ്യരെ വഞ്ചിക്കുന്നു. അവരുടെ ധനവും, മറ്റും തട്ടിയെടുക്കുന്നു. അങ്ങനെ ആത്മീയതയുടെ പേരിൽ കള്ള കച്ചവടം നടത്തുന്നവർക്ക് പ്രകൃതിയുടെ / കർമ്മനിയമങ്ങളുടെ / ധർമത്തിന്റെ ശിക്ഷ വിദൂര ഭാവിയിലല്ലാതെ ലഭ്യമാകും. അത് പ്രകൃതി നിയമം.. പറ്റിക്കാം... പക്ഷേ ...

ത്രാഡക യോഗം -2 ******************* *ദീപ ത്രാഡകം* ~~~~~~~~~~~~ ത്രാഡക യോഗം 1-ൽ  (ബിന്ദുത്രാഡകം) നാം പഠിച്ച രീതിയാണ് പൊതുവേ ഇവിടെയും അനുവർത്തിക്കേണ്ടത്. നെയ്യ് / എള്ളെണ്ണ / വെളിച്ചെണ്ണ ഒഴിച്ച് കത്തിച്ചു വച്ച ഒരു തിരിയിട്ട വിളക്കോ , മൺചിരാതോ ഇതിനായി ഉപയോഗിക്കാം.  മെഴുകുതിരി, മണെണ്ണ വിളക്ക് ഇവ ഒഴിവാക്കുക. ദീപത്തിലേയ്ക്ക് 10 Second സമയം ഇമ വെട്ടാതെ നോക്കുക. ശേഷം പ്രസ്തുത ദീപത്തെ *ഹൃദയ മദ്ധ്യത്തിൽ ( അനാഹത ചക്രത്തിൽ* കഴിയാവുന്നിടത്തോളം സമയം കാണുക. ശേഷം കണ്ണ് തുറന്ന് വീണ്ടും ദീപത്തെ നോക്കുക. അങ്ങനെ പരിശീലനം അവർത്തിക്കുക ( ബിന്ദു ത്രാഡകത്തിൽ നാം പരിചയപ്പെട്ട രീതി ) *പ്രയോജനങ്ങൾ* ഭക്തി, സ്നേഹം, ദയ, ആർദ്രത, സന്തോഷം ശാന്തി എന്നിവ മനസിനുണ്ടാകുന്നു. മനസ് ശാന്തവും, സ്വസ്തവും, സന്തോഷ പൂർണവുമായി തീരുന്നു. തേജസ് വർദ്ധിക്കുന്നു. ഹൃദയ സംബന്ധമായ പ്രശ്നങ്ങളെ ദൂരീകരിക്കുന്നു. കൂടിയ ബ്ലഡ് പ്രഷർ കുറയ്ക്കുന്നു. ശ്വാസകോശ സംബന്ധമായ രോഗങ്ങളെ നിവാരണം ചെയ്യുന്നു. കണ്ണുകൾ തേജോമയമാകുന്നു. ആകർഷണീയത [ magnatism ] വർദ്ധിക്കുന്നു. അനാഹത ചക്രം ജാഗ്രത്താകുന്നു. പ്രാണശക്തി Active ആയി കുണ്ഡ...

യോഗയും, വിപാസന ധ്യാന വിദ്യയും ................................... യോഗാശാസ്ത്രത്തിലെ ഏറെ ലളിതവും, ഏത് പ്രായക്കാർക്കുo വളരെ വേഗത്തിൽ പഠിച്ചെടുക്കാവുന്നതുമായ ധ്യാന വിദ്യയാണ്  വിപാസന. ഭാരതത്തിന്റെ പൗരാണികമായ നിരവധി ധ്യാന പരിശീലനങ്ങളിൽ ശ്രേഷ്ഠ സ്ഥാനമലങ്കരിക്കുന്ന ഈ വിദ്യ മാനവന്റെ ശ്വാസോച്ഛ്വാസ നിരീക്ഷണ- നിയന്ത്രണ - ഏകോപനവുമായി ബന്ധപ്പെട്ടതാണ്. ഗൗതമ സിദ്ധാർത്ഥൻ എന്ന രാജകുമാരനെ ശ്രീബുദ്ധനാക്കി മാറ്റിയ ഈ മഹാവിദ്യ ബുദ്ധമതക്കാർ, തങ്ങളു ടെ പരമ്പരാഗത ധ്യാന മാർഗമായി ആരാധിച്ച് / പരിശീലിച്ച് പോരുന്നു. എങ്കിലും വിപാസനയുടെ മൂലരൂപം കുടികൊള്ളുന്നത് ഭാരതീയ യോഗശാസ്ത്രത്തിലാണ്. ശ്വാസത്തെ അറിയുക / മനസിലാക്കുക / നിയന്ത്രിക്കുക / ലയിക്കുക എന്നിങ്ങനെയുള്ള പടികൾ വിപാസനയിൽ ഉണ്ട്. പരിശീലന രീതി സുഖമായി  / ശാന്തമായി നിലത്തോ, കസേരയിലോ, കിഴക്ക് / വടക്ക് ദിശയിലേയ്ക്ക് തിരിഞ്ഞ് ഇരിക്കുക. സുഖ പൂരക പ്രാണായാമം 21 Round പരിശീലിക്കുക ശേഷം ശാന്തമായിരുന്നത്, യാതൊരു ബലവും, സമ്മർദ്ദവും കൊടുക്കാതെ ശാന്തമായി , സ്വാഭാവികമായി നടക്കുന്ന നമ്മുടെ ശ്വാസോച്ഛ്വാസ പ്രവർത്തനത്തെ ഒരു സാക്ഷീ ഭാവത്തിൽ നിരീക്ഷിക്കുക. മനസ്...

ജന്മസാഫല്യത്തിന് ക്രിയാ യോഗം ക്രിയാ യോഗ ശാസ്ത്രം അതിനിഗൂഡവും, അത്യന്തം ശക്തി ഭദ്രവുമായ ഒരു പുരാതന ധ്യാന മാർഗമാണ്. പണ്ട് കാലത്തെ ഗുരുകുലങ്ങളിൽ പരാ- അപരാ വിദ്യാ പഠനത്തിൽ , പരാ വിദ്യയുടെ പഠന ഭാഗത്ത്   ആത്മാർത്ഥതയുള്ള, ശ്രദ്ധയുള്ള ശിഷ്യന് മാത്രം ഗുരു കാരുണ്യ പൂർവ്വം, ഈശ്വരസാക്ഷാത്ക്കാരത്തിന് വേണ്ടി പകർന്ന് നൽകിയിരുന്നതാണ് ഈ രാജയോഗ മാർഗം. ആധുനിക കാലത്ത് ക്രിയാ യോഗ ഈ ലോകത്ത് പ്രചരിപ്പിക്കപ്പെട്ടത് മഹാ അവതാര ബാബാജിയുടെ പ്രിയ ശിഷ്യൻ ലാഹിരി മഹാശയയിലൂടെ ആയിരുന്നു. *ക്രിയാ യോഗത്തിലൂടെ ഉണർത്തപ്പെടുന്നത് കുണ്ഡലിനി ശക്തി തന്നെയാണോ...?* ക്രിയാ യോഗം നിരവധി പേരുകളിൽ അറിയപ്പെടുന്നു. വശി യോഗം, ശിവ ശക്തി യോഗം, ശിവ തന്ത്ര യോഗം, ശിവ രാജയോഗം, ശിവ യോഗം എന്നിങ്ങനെ അനവധി വിശേഷണങ്ങൾ ക്രിയാ യോഗക്കുണ്ട്. അതിലൊരു പേരാണ് ശിവകുണ്ഡലിനീ യോഗം. ഇതിൽ മിക്ക പേരുകളിലും '' ശിവ " എന്ന നാമം പൊതുവേ കാണാൻ സാധിക്കും. ഈ യോഗ സമ്പ്രദായത്തിന്റെ ആദി ഗുരുവും, പരമ ഗുരുവും ശിവനാണ്. ശിവൻ എന്നാൽ ആദി മധ്യാന്തങ്ങളില്ലാതെ, സനാതനമായി നിലകൊള്ളുന്ന ഒരു ശക്തി വിശേഷമാണ്. മംഗള കാരിയായ ഈശ്വരനെന്നും, ജഗത് വ്യാപിയും , സർവ്വാന...

*ജന്മസാഫല്യത്തിന് ക്രിയാ യോഗം* ക്രിയാ യോഗ ശാസ്ത്രം അതിനിഗൂഡവും, അത്യന്തം ശക്തി ഭദ്രവുമായ ഒരു പുരാതന ധ്യാന മാർഗമാണ്. പണ്ട് കാലത്തെ ഗുരുകുലങ്ങളിൽ പരാ- അപരാ വിദ്യാ പഠനത്തിൽ , പരാ വിദ്യയുടെ പഠന ഭാഗത്ത്   ആത്മാർത്ഥതയുള്ള, ശ്രദ്ധയുള്ള ശിഷ്യന് മാത്രം ഗുരു കാരുണ്യ പൂർവ്വം, ഈശ്വരസാക്ഷാത്ക്കാരത്തിന് വേണ്ടി പകർന്ന് നൽകിയിരുന്നതാണ് ഈ രാജയോഗ മാർഗം. ആധുനിക കാലത്ത് ക്രിയാ യോഗ ഈ ലോകത്ത് പ്രചരിപ്പിക്കപ്പെട്ടത് മഹാ അവതാര ബാബാജിയുടെ പ്രിയ ശിഷ്യൻ ലാഹിരി മഹാശയയിലൂടെ ആയിരുന്നു. *ക്രിയാ യോഗത്തിലൂടെ ഉണർത്തപ്പെടുന്നത് കുണ്ഡലിനി ശക്തി തന്നെയാണോ...?* ക്രിയാ യോഗം നിരവധി പേരുകളിൽ അറിയപ്പെടുന്നു. വശി യോഗം, ശിവ ശക്തി യോഗം, ശിവ തന്ത്ര യോഗം, ശിവ രാജയോഗം, ശിവ യോഗം എന്നിങ്ങനെ അനവധി വിശേഷണങ്ങൾ ക്രിയാ യോഗക്കുണ്ട്. അതിലൊരു പേരാണ് ശിവകുണ്ഡലിനീ യോഗം. ഇതിൽ മിക്ക പേരുകളിലും '' ശിവ " എന്ന നാമം പൊതുവേ കാണാൻ സാധിക്കും. ഈ യോഗ സമ്പ്രദായത്തിന്റെ ആദി ഗുരുവും, പരമ ഗുരുവും ശിവനാണ്. ശിവൻ എന്നാൽ ആദി മധ്യാന്തങ്ങളില്ലാതെ, സനാതനമായി നിലകൊള്ളുന്ന ഒരു ശക്തി വിശേഷമാണ്. മംഗള കാരിയായ ഈശ്വരനെന്നും, ജഗത് വ്യാപിയും , സർവ്വാന്തർ യാമിയാ...

ത്രാഡക യോഗം ( ബിന്ദു ത്രാഡകം - ഒന്നാം നില ) ............................. ഇന്ന് ത്രാഡക യോഗത്തിന്റെ പ്രാരംഭ പരിശീലനങ്ങൾ പഠിക്കാം. ത്രാഡ(s)കം യോഗയിലെ ഒരുയർന്ന പരിശീലനമാണ്. ത്രാഡകം പ്രധാനമായും കണ്ണിന്റെ ഏകാഗ്രതയെ / Gazing power അടിസ്ഥാനപ്പെടുത്തി ചിട്ടപ്പെട്ടുത്തിയ പരിശീലനമാണ്. നട്ടെല്ല് നിവർത്തി നിലത്തോ / കസേരയിലോ ഇരിക്കുക. 5 -7 അടി അകലത്തിലായി കണ്ണിന്റെ നേരെ ഭിത്തിയിൽ , കഴിവതും വെള്ള പ്രതലത്തിൽ കണ്ണിന് കാണാൻ കഴിയുന്ന വിധത്തിൽ , ഒരു ബിന്ദു ( ചുവന്ന പൊട്ട്) ഇടുക. 10 Second സമയം കണ്ണടയ്ക്കാതെ / ഇമവെട്ടാതെ ആ ബിന്ദുവിൽ നോക്കുക. ശേഷം കണ്ണടയ്ക്കുക. പ്രസ്തുത ബിന്ദുവിനെ പുരിക മദ്ധ്യത്തിൽ കാണുക. എത്ര സമയം ആ ബിന്ദുവിനെ കണ്ണടച്ച്  പുരിക മദ്ധ്യത്തിൽ കാണാൻ കഴിയുന്നുവോ, അത്രയും സമയം മനസിനെ ആ ബിന്ദുവിൽ ഉറപ്പിച്ച് നിർത്തുക. ഉള്ളിൽ നിന്ന് ബിന്ദു മറയുമ്പോൾ വീണ്ടും കണ്ണ് തുറന്ന് പുറത്തെ  ബിന്ദുവിൽ10 സെക്കന്റ് നോക്കുക.. ശേഷം കണ്ണടച്ച് പുരികമ ദ്ധ്യേ  ബിന്ദുവിനെ മേൽ വിവരിച്ച പോലെ  കാണുക. ഇങ്ങനെ  10 തവണ മേൽ പരിശീലനം ആവർത്തിച്ച് ചെയ്യുക. ഇങ്ങനെ 5 ദിവസം ചെയ്യുക. ശേഷം 10 Sec...

  ഈ ബ്ലോഗ് ഭാരതത്തിന്റെ ചിരപുരാതനവും നിത്യനൂതനവുമായ  യോഗശാസ്ത്രത്തെ സാധാരണ ജനങ്ങൾക്ക് ഉപയോഗപ്രദമാം വിധം, സാമാന്യമായി പരിചയപ്പെടുത്തുക എന്ന ഉദ്ദേശത്തോടെ എഴുതി തുടങ്ങുന്നതാണ്.  മാനവന്റെ ഭൗതീകവും ആത്മീയവുമായ സമ്പൂർണ  ജീവിത വിജയം ലക്ഷ്യമാക്കി, ഭഗവാൻ ശ്രീ പരമശിവനിൽ നിന്ന് ഉൽഭവിച്ച് , ആർഷ ഗുരു പരമ്പരകളിലൂടെ പ്രചരിപ്പിക്കപ്പെട്ട ഈ മഹാ ശാസ്ത്രം ഇന്ന് ലോകമെങ്ങും വളരെ വേഗം പടർന്ന് പന്തലിച്ചു കൊണ്ടിരിക്കുന്നു. യോഗ - തന്ത്ര ശാസ്ത്രങ്ങളിലെ ദർശനങ്ങളും, പ്രായോഗിക പരിശീലനങ്ങളും , ആത്മീയമായ അറിവുകളും നമുക്കിവിടെ പരിചയപ്പെടാം. മഹേശ്വരന്റെയും, ഗുരു പരമ്പരകളുടെയും തൃപാദപത്മങ്ങളിൽ പ്രണമിച്ച് കൊണ്ട് ... യോഗാചാര്യ എ.വി. കൃഷ്ണകുമാർ ........................................................ യോഗാചാര്യ എ.വി. കൃഷ്ണകുമാർ കേരളത്തിൽ ആലപ്പുഴ ജില്ലയിൽ ജനനം. യോഗ പരിശീലകൻ, ക്രിയായോഗി, ആദ്ധ്യാത്മിക പ്രഭാഷകൻ,  എഴുത്തുകാരൻ, പ്രാസംഗികൻ, സാമൂഹ്യ പ്രവർത്തകൻ എന്നീ നിലകളിൽ അറിയപ്പെടുന്നു. ഭാരതീയ തത്വദർശനങ്ങളായ യോഗവിദ്യ, തന്ത്ര യോഗം, വേദാന്താദി വിദ്യകളിൽ പഠന - ഗവേഷ...

യോഗപാഠങ്ങൾ : ഭാഗം 1 ********************** *സുഖ പൂരക പ്രാണായാമം* -------------------------- നിലത്ത് പുൽപ്പായ / വിരിപ്പ് / യോഗ മാറ്റ് എന്നിവ ഇടുക കിഴക്ക് / വടക്ക് ദിശയിലേയ്ക്ക് തിരിഞ്ഞിരിക്കുക. നട്ടെല്ല് നിവർന്നിരിക്കണം, താടി ഭൂമിക്ക് സമാന്തരമായിരിക്കണം. കണ്ണുകൾ അടയ്ക്കുക. കഴിയാവുന്നിടത്തോളം, ശ്വാസം ഇരു മൂക്കിലൂടെയും, ദീർഘമായും, ശാന്തമായും, പൂർണമായും ഉള്ളിലേയ്ക്കെടുക്കുക. അതുപോലെ തന്നെ പുറത്തേയ്ക്ക് വിടുക. അങ്ങനെ 7/ 11 / 21 Round പരിശീലിക്കുക. പരിശീലന ശേഷം അൽപസമയം ശാന്തമായിരുന്ന് സ്വാഭാവികമായി നടക്കുന്ന Breathing - നെ നിരീക്ഷിക്കുക. *പ്രയോജനങ്ങൾ* 1. ശ്വാസ കോശത്തെയും, ശ്വസന അവയവങ്ങളെയും ശുചീകരിക്കുന്നു 2. ഉപാപചയ പ്രവർത്തനത്തിലൂടെ ശരീരത്തിലുണ്ടാകുന്ന മാലിന്യങ്ങളെ പുറം തള്ളി ബാഹ്യ- അന്തരീക അവയവങ്ങളെ ശുദ്ധീകരിക്കുന്നു. 3. തുമ്മൽ, ആസ്മ, അലർജി തുടങ്ങിയ ശ്വാസകോശ  സംബന്ധമായ രോഗങ്ങളെ ദൂരികരിക്കുന്നതിനൊപ്പം, ശ്വാസ കോശത്തെ ശക്തമാക്കുന്നു. 4. പ്രാണ പ്രവാഹത്തിലൂടെ രക്തശുദ്ധീകരണത്തിന്റെ അളവ് വർദ്ധിപ്പിക്കുന്നു. രക്ത ദൂഷ്യം / രക്ത ജന്യമായ രോഗങ്ങൾ / ത്വക്ക് രോഗങ്ങൾ എന്നിവയെ...

യോഗ പാഠങ്ങൾ: 2 ******************* *ജാഗ്രതാ ധ്യാനം: Step 1 (Awareness Meditation)*) ഇന്ന് നമുക്ക് ജാഗ്രതാ ധ്യാനത്തിന്റെ ആദ്യ പാഠങ്ങൾ മനസിലാക്കാം. ശരീരത്തേയും. മനസിനേയും ഒരേ പോലെ നിയന്ത്രിക്കാൻ / സ്വാധീനിക്കാൻ കഴിയുന്ന ഒരു പരിശീലനമാണ് അവയർനെസ് മെഡിറ്റേഷൻ. ഇതിന് പല നിലകളുണ്ട്. അതിൽ ആദ്യത്തേത് ഇന്ന് പഠിക്കാം.👍 ''ധ്യാനം നിർവിഷയ മന: "  ie :-  മനസിനെ വിഷയങ്ങളിൽ / ചിന്തകളിൽ നിന്ന് വിമുക്തമാക്കി പരമാത്മാവിൽ ലയിച്ചിരുന്ന അവസ്ഥയാണ് ധ്യാനം എന്നിവിടെ  ഈ ശ്ലോകത്തിന് സാമാന്യ അർത്ഥം കുറിക്കാം ധ്യാനാവസ്ഥയുടെ പരമമായ നിലയെ ആണ് ഋഷി ഇവിടെ വിവരിച്ചിരിക്കുന്നത്.ബോധത്തിന്റെ ഉന്നതമായ അവസ്ഥയാണിത് . ധ്യാനം പരിശീലിച്ചു തുടങ്ങുന്ന ഒരു വിദ്യാർത്ഥിയെ സംബദ്ധിച്ചിടത്തോളം ഈ നിലയിലേയ്ക്ക് ബോധത്തെ ഉയർത്തി കൊണ്ടുവരുന്നതിന് പടിപടിയായ ധ്യാന പരിശീലനങ്ങൾ അവശ്യമാണ്.  മനസിലെ ചിന്തകളെ കുറച്ച്, മനസിനെ ശാന്തമാക്കി എടുക്കുവാനുള്ള പ്രയത്നമാണ് ആദ്യം വേണ്ടത്. മനസ് ശാന്തമാകണമെങ്കിൽ അതിന് പ്രാണായാമം ചെയ്യണം. അതിനു ശേഷമാണ് ധ്യാനം ശീലിക്കേണ്ടത്. മഹർഷി പതജ്ഞലി തന്റെ അഷ്ടാംഗ യോഗസൂത്രത്തിൽ യമം, നിയമം, ആസന...

യോഗയും ശ്രേഷ്ഠ  സമാജ നിർമ്മാണവും  സമാജം എന്നു പറയുമ്പോൾ കുടുംബം സമൂഹം, രാഷ്ട്രം, ലോകം എന്നീ നാല് ഘടകങ്ങൾ ചേരുന്നതാണ്.  ശരീരം, മനസ്സ് ,ബുദ്ധി, ആത്മാവ് എന്നീ നാല് ഘടകങ്ങൾ വ്യക്തിയിൽ സമ്മേളിക്കുന്നത് പോലെ സമാജ എന്നു പറയുമ്പോൾ മേൽസൂചിപ്പിച്ച 4 ഘടകങ്ങൾ ചേർന്നാണ് രൂപീകൃതമാകുന്നത്.  സമാജത്തിന്റെ അടിസ്ഥാന ഘടകം കുടുംബമാണ്. 'കൂടുമ്പോൾ ഇമ്പമുള്ളത് ' എന്നതാണ്  കുടുംബത്തിൻറെ അർത്ഥം. 'വസുധൈവ കുടുംബകം' എന്ന കാഴ്ചപ്പാടാണ് നമ്മുടേത്.  ഭാരതത്തിൽ കുടുംബബന്ധങ്ങൾ  ഏറെ ശക്തമാണ്. ഒരു വ്യക്തിയിൽ സത് സ്വഭാവം രൂപീകൃതമാകുന്നതിൽ കുടുംബം വലിയ പങ്ക് വഹിക്കുന്നു. അതേപോലെ തന്നെ ശിഥിലമായ കുടുംബാന്തരീക്ഷം വ്യക്തിയിൽ -ve സ്വഭാവങ്ങൾ നിറയ്ക്കാൻ കാരണമാകാറുണ്ട്. ചുട്ടയിലെ ശീലം ചുടല വരെ എന്ന പഴഞ്ചൊല്ലിൽ പറയുന്നത് ചെറുപ്പത്തിൽ കുടുംബത്തിൽ നിന്ന് നാം എന്ത് പഠിക്കുന്നുവോ / ആർജിക്കുന്നുവോ അത്  ജീവിതാവസാനം സ്വഭാവത്തിൽ സ്വാധീ ക്കുമെന്നാണ്.. !  വ്യക്തികളുടെ കൂട്ടമാണ് കുടുംബം. വ്യക്തി നന്നായാൽ കുടുംബവും സമൂഹവും രാഷ്ട്രവും ലോകവും നന്മയിലേക്ക് നയിക്കപ്പെടും എന്നാണ് യോഗയുടെ കാഴ...

പ്രമേഹവും യോഗയും  പാൻക്രിയാസിന്റെ പ്രവർത്തനം തകരാറിലാകുന്നത് മൂലം മൂലമുണ്ടാകുന്ന ഒരു രോഗാവസ്ഥയാണ് പ്രമേഹം. യോഗയുടെ കാഴ്ചപ്പാടിൽ ശരിയായയായ യോഗ പരിശീലനങ്ങളിലൂടെ ഈ പ്രശ്നം ദൂരീകരിക്കുവാൻ കഴിയും.  സൂര്യനമസ്കാരം നൗകാസനം ഭുജംഗാസനം ധനുരാസനം മയൂരാസനം  ബദ്ധ വജ്രാസനം സുപ്തവജ്രാസനം എന്നീ യോഗാസങ്ങളും,  കപാലഭാതി സക്രിയ, ഭസ്ത്രിക തുടങ്ങിയ പ്രാണായാമങ്ങളും, മൂല ബന്ധം, ഉഡ്യാന ബന്ധം, ജലന്ധര ബന്ധം തുടങ്ങിയ യോഗ ബന്ധങ്ങളും, ഏക ഷഷ്ഠി ബിന്ദു ക്രിയ, ന്യാസ ധ്യാന വിദ്യ തുടങ്ങിയ സൂഷ്മയോഗാ പരിശീലനങ്ങളും, ന3ളി, ധൗതി തുടങ്ങിയ clean sing practice കളും, സർവ്വോപരി മൃത്യുജ്ഞയ മന്ത്രോപാസനയും പ്രമേഹരോഗ ശാന്തിക്ക് ഉചിതമെന്ന് ആചാര്യന്മാർ പറയുന്നു.

 *യോഗ തെറാപ്പി അഥവാ യോഗ ചികിത്സ* ഇന്ന് ഏറെ പ്രചാരമുള്ള ഒരു ചികിത്സാസമ്പ്രദായമാണ് . മരുന്നുകളൊന്നും തന്നെ ഉപയോഗിക്കാതെ യോഗ പരിശീലനം കൊണ്ട് രോഗങ്ങളെ ഇല്ലായ്മ ചെയ്യുന്ന ഒരു സമ്പ്രദായമാണ് ഇത്. മനുഷ്യരുടെ ശാരീരിക- മാനസിക -ബൗദ്ധിക - ആത്മീയ പ്രശ്നങ്ങളെ / വിഷമതകളെ /രോഗങ്ങളെ  പരിഹരിക്കുവാനായി ഈശ്വരനിൽ നിന്ന് ഗുരു പരമ്പരകൾ വഴി മാനവലോകത്തിന് വരദാനമായി കിട്ടിയ യോഗ ശാസ്ത്രം, സമ്പൂർണ്ണ ആരോഗ്യം എന്ന അവസ്ഥയിലേക്ക് മനുഷ്യരെ നയിക്കുന്നു.  മനുഷ്യൻ എന്നത് ത്രിമാന ശരീരങ്ങളുടെ മറ്റൊരു തരത്തിൽ പറഞ്ഞാൽ പഞ്ച കോശങ്ങളുടെ ഒരു സംഘാതമാണെന്ന് യോഗ പറയുന്നു. ശരീരങ്ങൾ എന്നുപറയുമ്പോൾ അതിൽ സ്ഥൂലശരീരം ( Physical Body)  അഥവാ അന്നമയകോശം, സൂക്ഷ്മശരീരം ( Astral Body )  അഥവാ പ്രാണമയ -  മനോമയ- വിജ്ഞാനമയ കോശങ്ങൾ, കാരണശരീരം ( CasuaI Body) അഥവാ  ആനന്ദമയകോശം എന്നിങ്ങനെ യോഗ തിരിക്കുന്നു. സ്ഥൂല സൂക്ഷ്മ, കാരണ ശരീരങ്ങളെ ബാധിക്കുന്ന  പ്രശ്നങ്ങൾക്ക് യോഗയിൽ പരിഹാരമുണ്ട്. സൂര്യനമസ്കാരം, യോഗ വ്യായാമങ്ങൾ, യോഗാസനങ്ങൾ, യോഗ ബന്ധങ്ങൾ, യോഗ മുദ്രകൾ, പ്രാണായാമം, മന്ത്രജപം, ധ്യാനം, പ്രാർത്ഥന സൂഷ്മ യോ...

*സർവ്വ പ്രശ്നങ്ങളുടേയും സമൂല പരിഹാരം യോഗയിലൂടെ..* യോഗയുടെ വീക്ഷണത്തിൽ പ്രശ്നങ്ങളെ പൊതുവേ 3 ആയി തിരിക്കാം 1. ആദ്ധ്യാത്മികം (വ്യക്തി മൂലമുണ്ടാകുന്ന പ്രശ്‌നങ്ങൾ ; NB : ആത്മീയത എന്നർത്ഥമല്ല ആദ്ധ്യാത്മികത്തിന് ഇവിടെയുള്ളത് ) സ്വന്തം പ്രവൃത്തികൾ  കൊണ്ടോ, ജീവിത ശൈലിയിലുള്ള തകരാറുകൾ മൂലമോ, ഒരാൾക്ക് ശാരീരിക- മാനസിക- ബൗദ്ധിക - ആത്മീയ തലങ്ങളിൽ നേരിടുന്ന വിഷമതകൾ ആണ് ഈ വിഭാഗത്തിൽ വരിക ഉദാഹരണമായി നിരന്തരമായ മദ്യപാനത്തിലൂടെ കരൾ രോഗ ബാധിതനായി കിടക്കുന്ന ഒരാൾ. അയാൾക്ക് ആ അവസ്ഥ വരാനുള്ള മൂലകാരണം ഒരു ആരോഗ്യ നിയമത്തിന്റെ ലംഘനം മൂലമാണ്.. ആത്യന്തികമായി സ്വന്തം ആരോഗ്യത്തെ ഈ വിധം നശിപ്പിച്ചതിന്റെ പൂർണ ഉത്തരവാദിത്വം ആ വ്യക്തിയിൽ നിക്ഷിപ്തമാണ്., മറ്റാരും അതിന് കാരണക്കാരല്ല.! 2. ആതി ഭൗതികം ( മറ്റുള്ളവരാൽ വ്യക്തിക്ക് ജീവിതത്തിൽ നേരിടേണ്ടി വരുന്ന വൈഷമ്യങ്ങൾ ) ഉദാ: റോഡിലൂടെ നടന്നു പോകുന്ന ഒരാളെ, ഒരു ബൈക്ക് ഇടിക്കുക, അയാളുടെ കാൽ ഒടിയുക, കുറേ പേർ ചേർന്ന് ഒരാളെ മർദ്ദിക്കുക, പട്ടി/ പാമ്പ് എന്നിവയുടെ ദംശനമേൾക്കുക etc ഇവിടെ വ്യക്തി നേരിട്ട് അല്ലാതെ, മറ്റൊരാളാൽ / വാഹനത്താൽ / ജീവിയാൽ അനുഭവിക്കേണ്ടി വരു...

*യോഗയും പ്രാണായാമവും* യോഗ ശാസ്ത്രത്തിലെ  വളരെ പ്രധാനപ്പെട്ട ഒരു പരിശീലനമാണ് പ്രണായാമം.  പ്രാണനെ ആയാമം ചെയ്യുന്ന [ നിയന്ത്രിക്കുന്ന ] പരിശീലനമാണ് പ്രാണായാമം. പ്രാണൻ എന്നാൽ സർവ്വചരാചരങ്ങളിലും അന്തർലീനമായി കുടികൊള്ളുന്ന ഈശ്വരശക്തി  അല്ലെങ്കിൽ  ചൈതന്യം എന്ന് പൊതുവേ പറയാം.  പ്രാണശക്തി നമ്മുടെയുള്ളിൽ പ്രവർത്തിക്കുന്നതുകൊണ്ടാണ് നാം ജീവിയ്ക്കുന്നത്...!  എപ്പോഴാണോ പ്രാണ നമ്മിൽനിന്ന് വിട്ടകലുന്നത്  അപ്പോൾ നമ്മുടെ ശരീരം ജഡ വസ്തുവായി മാറുന്നു (മരണം). പ്രാണനാണ് നമ്മുടെ ഈ ശരീരത്തെ ജീവി സത്താക്കി നിലനിറുത്തുന്നത്.  നമ്മുടെ ശരീരത്തിന്റെ ഉള്ളിൽ നടക്കുന്ന കോടാനുകോടി പ്രവർത്തനങ്ങളെ ഏകോപിപ്പിക്കുന്ന, നിയന്ത്രിക്കുന്ന, ഭരിക്കുന്ന ശക്തി പ്രാണനാണ് . പ്രാണ്യതേ അനേന ഇതി പ്രാണ: [ പ്രാണനം ചെയ്യുന്ന ie നിലനിർത്തുന്ന ശക്തി ഏതോ അത് പ്രാണൻ]  ആ പ്രാണശക്തി ശരീരത്തിന്റെ ഉള്ളിൽ പ്രവർത്തിക്കുമ്പോൾ ശരീരം ശിവമയം ആയി മാറുന്നു. എപ്പോഴാണോ പ്രാണൻ  ശരീരത്തിൽനിന്ന് എന്നെന്നേക്കുമായി വിട്ടകലുന്നത്, അപ്പോൾ ശരീരം ശവമായി...! ഉപനിഷദ് പറയുന്നു: - കണ്ണിനു കാഴ്ച നൽകുന്ന ശക്...

യോഗയും മനസും മനുഷ്യ മനസ്സ് ആകാശം പോലെ വിസ്തൃതവും, സമുദ്രം പോലെ ആഴമേറിയതുമാണ്. മനസിന്റെ അപരിമിതമായ കഴിവുകളും, ഗുണങ്ങളും, ശക്തികളും യോഗമാർഗത്തിലൂടെ ഉണർത്താൻ കഴിയുമെന്ന് യോഗിമാർ പറയുന്നു... മനസ്സ് ഒരു സൂഷ്മ വസ്തുവാണ്. ചിന്തകൾ, ആഗ്രഹങ്ങൾ, വികാരങ്ങൾ, ഇച്ഛകൾ എന്നീ ഘടകങ്ങളുടെ സ്പന്ദമണ്ഡലമാണ് മനസ്. ഇവയാണ് മനസി ന്റെ പ്രധാന വ്യാപാര ഘടകങ്ങൾ... ബോധമനസ്, ഉപബോധ മനസ്, അബോധ മനസ്, അതീത മനസ് എന്നിങ്ങനെ 4 തലങ്ങൾ പൊതുവേ മനസിനുണ്ട്... -ve ചിന്തകളെ +ve ആക്കുക, ക്രിയാത്മകമായ പ്രവർത്തനങ്ങളിൽ ഏർപ്പെടുക, സത് ചിന്തകൾ ഉണ്ടാക്കുന്ന പുസ്തകങ്ങൾ, കൂട്ടുക്കെട്ട്, എന്നിവയിൽ ഏർപ്പെടുക, വൈകാരികമായ സാഹചര്യങ്ങളെ വൈചാരികമായ ബോധത്തോടെ നേരിടുക, വ്യക്തിക്കും, സമാജത്തിനും ഗുണ പരമായ പരിവർത്തനങ്ങൾ ഉണ്ടാക്കുന്ന പ്രവൃത്തികൾ ഇച്ഛാശക്തിയോടെ , നിഷ്ഠയോടെ ചെയ്യുക ഇവയൊക്കെ മനസിന്റെ കഴിവുകളെ വികസിപ്പിക്കാനുള്ള ശാസ്ത്രീയ മാർഗങ്ങളാണ് . യോഗയിലെ എല്ലാ പരിശീലനങ്ങളും , വിശിഷ്യ ചില പ്രാണായാമങ്ങൾ വഴി മനസിന്റെ ആഴങ്ങളിലേയ്ക്ക് ഇറങ്ങി ചെല്ലാം.. .............. എ.വി. കൃഷ്ണ കുമാർ

യോഗയും;  ത്രിവിധ സാധനകളും യോഗ - തന്ത്ര - വേദാന്ത വിദ്യകളാണ് ഭാരതത്തിൽ ആത്മസാക്ഷാത്ക്കാരത്തെ പരമ ലക്ഷ്യമാക്കി ഗുരുഭൂതൻമാർ ആവിഷ്ക്കരിച്ച പരാ വിദ്യകൾ.. പരാ വിദ്യ എന്നതിനൊപ്പം തന്നെ അപരാ വിദ്യയുമാണ് ഇവ മൂന്നും. മാനവന്റെ ഭൗതീകവും - ആത്മീയവുമായ സമ്പൂർണ ജീവിത വിജയമാണ് യോഗയുടെ ലക്ഷ്യം. ഭൗതികതയും, അത്മീയതയും ഒരു നാണയത്തിന്റെ ഇരു വശങ്ങളെന്ന പോലെ മാനവ ജീവിതത്തിന്റെ ഇരു ഘടകങ്ങളാണെന്നും, അവ ശരിയായ രീതിയിൽ വിജയിച്ചെങ്കിൽ മാത്രമേ മനുഷ്യ ജീവിതം സമ്പൂർണമാവുകയുള്ളൂ എന്ന് യോഗ വിവക്ഷിക്കുന്നു. ആത്മീയ - ഭ3തീക ജീവിതവിജയം നേടാൻ ഉതകുന്ന ദർശനങ്ങളും, പ്രായോഗിക പരിശീലനങ്ങളും യോഗയിലുണ്ട്. അവയെ *സാധനകൾ* എന്നാണ് പറയുക. സാദ്ധ്യം അഥവ ലക്ഷ്യം നേടുന്നതിനുള്ള പരിശീലനങ്ങളാണവ.. സാധന അനുഷ്ഠിക്കുന്നയാളെ *സാധകൻ / സാധിക* എന്ന് വിളിക്കുന്നു. ഒരാളുടെ ലക്ഷ്യം *ഈശ്വര സാക്ഷാത്ക്കാരമാകുമ്പോൾ* , അതിന് വേണ്ടി അനുഷ്ഠിക്കുന്ന പരിശീലനങ്ങളെ *ആത്മ സാധന* എന്ന് വിളിക്കുന്നു. ഒരാളുടെ ലക്ഷ്യം, *ആഗ്രഹ സഫലീകരണം ( ധനം, പ്രശസ്തി, വീട്, വാഹനം, etc )* അതിന് വേണ്ടി അനുഷ്ഠിക്കുന്ന പരിശീലനങ്ങളെ *കാമ്യ സാധന* എന്ന് വിളിക്കുന്നു. *തെറ്...

യോഗയും., യോഗാസനങ്ങളും യോഗ ഈശ്വരീയമായ ശാസ്ത്രമാണ്.  മനുഷ്യന്റെ ശാരീരിക - മാനസിക- ബൗദ്ധീക - ആത്മീയ തലങ്ങളെ വികസിപ്പിക്കുക,  ശ്രേഷ്ഠമായ കുടുംബ - സമൂഹ-രാഷ്ട്ര - ലോക നിർമ്മിതി. അതിനായി വ്യക്തിയേയും, സമാജ ത്തേയും പടിപടിയായി ഉയർത്തുക. രോഗവിമോചനം, രോഗപ്രതിരോധം, സമ്പൂർണ ആരോഗ്യം. ഇവയൊക്കെയാണ് യോഗ പരിശീലനത്തിന്റെ പൊതുവായ ലക്ഷ്യങ്ങൾ. ഈ ലക്ഷ്യങ്ങൾ നേടുന്നതിനുള്ള ദർശനവും, പ്രായോഗിക മാർഗങ്ങളും യോഗയിലുണ്ട്. യോഗാസനങ്ങൾ അവയിൽ ഏറ്റവും പ്രാധാന്യമർഹിക്കുന്ന ഒരു യോഗ പരിശീലന ക്രമമാണ്. എന്താണ് യോഗാസനം ശ്രീ പരമേശ്വരൻ ഗുരു പരമ്പരകളിലൂടെ നിർദ്ദേശിച്ച സ്ഥിതിയിലോ, ചലനത്തിലോ, ഒരു സാധകൻ , തന്റെ യോഗ ഉപകരണങ്ങളായ ശരീരം, ദൃഷ്ടി, ശ്വാസം, മനസ്സ് എന്നിവയെ സ്ഥിരമായും, സുഖമായും സന്നിവേശിപ്പിക്കുന്ന പ്രക്രിയയെയാണ് യോഗാസനം എന്ന് വിളിക്കുന്നത്. 'സ്ഥിര സുഖമാസനം' എന്നാണ് യോഗാസനങ്ങളെ വിശേഷിപ്പിക്കുന്നത്. അതായത് ഒരു യോഗാസനം പൂർണമാകണമെങ്കിൽ / ഫലദായകമാവണമെങ്കിൽ അതിൽ സാധകന്റെ ശരീരവും, ദൃഷ്ടിയും, ശ്വാസഗതിയും, മനോനിലയും ഒരു പോലെ ലയിച്ചു ചേരണം. പരിശീലിക്കുന്ന ആസനം ചലന പ്രാധാന്യമുള്ള യോഗാസനമെങ്കിൽ (ഗത്യാത്മക വി...

സൂഷ്മായനം (സൂഷ്മയോഗാ പരിശീലനം) മാനവന്റെ സൂഷ്മ ശരീരത്തിലുറങ്ങുന്ന ദിവ്യശക്തികളെ തിരിച്ചറിയാനും, വികസിപ്പിക്കാനുമുള്ള സൂഷ്മ യോഗ പരിശീലനമാണ് ' സൂഷ്മായനം ' സൂഷ്മ ശരീരത്തിലെ നാഡികളെ / ചക്രങ്ങളെ ശുദ്ധീകരിക്കാനും, ഉണർത്താനും, ഉയർത്താനുമുള്ള ലളിതമായ എന്നാൽ അതീവ ശക്തമായ പരിശീലനമാണിത്. ആർഷ ഗുരുപരമ്പരകളിലൂടെ പ്രചരിച്ച എന്നാൽ അതി നിഗൂഡമായ ഈ പരിശീലന സമ്പ്രദായം മനുഷ്യന്റെ പൂർണ. ആരോഗ്യത്തിനും, രോഗ - ദു:ഖ - ദുരിത നിവാരണത്തിനും, ഐശ്വര്യത്തിനുമായി ഉടലെടുക്കപ്പെട്ടതാണ്.. മന്ത്രം , മനസ്, പ്രാണൻ എന്നിവയെ ഒരു പ്രത്രേക രീതിയിൽ സംയോജിപ്പിച്ച്, മാനവന്റെ ശരീര -മനോ- ബുദ്ധി - അത്മീയ തലങ്ങളെയും, അതീന്ദ്രീയ ജ്ഞാനത്തെയും വികസിപ്പിക്കാൻ ഈ പരിശീലനം സഹായിക്കുന്നു. രോഗ വിമോചനം, തികഞ്ഞശാരീരിക ക്ഷമത, മാനസിക ശാന്തത, സൂഷ്മ ബുദ്ധി , കുണ്ഡലിനീ ജാഗരണം എന്നിവ നേടാൻ ഈ യോഗ പരിശീലനം സാധകനെ സഹായിക്കുന്നു. .................