ഹിമാലയൻ സിദ്ധാശ്രമ യോഗ സാധക കേന്ദ്രം (HSYSK)

തന്ത്ര യോഗം ഈശ്വരസാക്ഷാത്ക്കാരം ലക്ഷ്യമാക്കിയുള്ള അനേകം പന്ഥാവു കളിൽ ഒന്നാണ് തന്ത്ര യോഗം. നമ്മിലെ ദൈവീക അംശത്തെ സാധനകളിലൂടെ വികസിപ്പിച്ച്, ഈശ്വരനിൽ വിലയിപ്പിക്കുന്ന വിദ്യയാണ് തന്ത്ര. തന്ത്രയോഗം ഗുരുവിന് കീഴിൽ അഭ്യസിക്കണം. ഈശ്വരൻ, ഗുരു, ഉപാസന ക്രമം എന്നിവയിൽ അണുവിട തെറ്റാത്ത ശ്രദ്ധയും, ഭക്തിയും, വിശ്വാസവും താന്ത്രിക വിദ്യകളുടെ വിജയത്തിന് അത്യന്താപേക്ഷിതമാണ്.  വിവിധ ദേവതാ ഉപാസന രീതികൾ തന്ത്ര യോഗ പരിശീലനത്തിലെ ഒരു മുഖ്യ ഘടകമാണ്. അസാമാന്യ ധൈര്യവും, ഇച്ഛാശക്തിയും, കഠിന സാധനകൾ അനുഷ്ഠിക്കാനുള്ള ശാരീരിക - മാനസിക ശക്തിയും തന്ത്ര വിദ്യയിലെ വിജയത്തിന്റെ സുപ്രധാന മർമ്മങ്ങളാണ്.... ഗുരുവിന്റെ ഉപദേശവും, മേൽനോട്ടവും, Protection ഉം ഇല്ലാതെ തന്ത്ര സാധനകൾ ഒരാൾ അഭ്യസിക്കുന്നത് അപകടകരമാണ് കൗളം, മിശ്രം, സമയം എന്നിങ്ങനെ തന്ത്രയിലെ ഉപാസന വിധാനങ്ങളെ  പൊതുവെ മൂന്നായി തിരിക്കാം. കൗളത്തിൽ ബാഹ്യ പൂജകൾക്ക് പ്രാധാന്യം കൽപിക്കുന്നു. ക്ഷേത്ര തന്ത്രം ഇതിന്റെ ഭാഗമാണ്. ക്ഷേത്ര പൂജാരികൾ പിന്തുടരുന്നത് പൊതുവെ ഈ മാർഗമാണ്.  മിശ്രം :- ബാഹ്യവും ആന്തരീകവുമായ പൂജകൾ ഇതിൽപ്പെടുന്നു. ബാഹ്യോപചാര  മാനസിക...

നവരാത്രി നാം അറിയേണ്ടത് 🤔നവരാത്രി എന്ത്? പരമേശ്വര ശക്തിയുടെ വകഭേദമായ പരാശക് യെ വിശേഷപ്പെട്ട 9 ദിവസങ്ങളിൽ വ്യത്യസ്ഥ രൂപങ്ങളിൽ/ ഭാവങ്ങളിൽ അരാധിക്കുന്ന ദിനങ്ങളാണ് നവരാത്രി എന്നറിയപ്പെടുന്നത്. നവരാത്രി എന്തിന്? ഈ 9 ദിവസങ്ങളിൽ പരാശക്തിയുടെ ദിവ്യമായ ശക്തി സ്ഥൂല - സൂഷ്മ - കാരണ ലോകങ്ങളിലെല്ലാം തന്നെ പ്രചണ്ഡമായി നിലകൊള്ളുന്നു. ഭൗതീകവും , ആത്മീയവുമായ പുരോഗതി തേടുന്ന സാധകർക്ക് ആ ലക്ഷ്യം വേഗത്തിൽ കരഗതമാകുവാൻ നവരാത്രിയിലെ സാധനകൾ സഹായകമാകുന്നു. നവരാത്രി സാധന എങ്ങനെ? കുളിച്ച് ശുദ്ധമായി ദേവീ സ്മരണയോടെ ദേവിയുടെ നാമങ്ങൾ / മന്ത്രങ്ങൾ / സൂക്തങ്ങൾ നിശ്ചിത എണ്ണം / സംഖ്യ ഉരുവിടുക. ലളിതാ - ദുർഗാ - ലക്ഷ്മീ - കാളീ- സരസ്വതീ സ്തോത്രങ്ങൾ, കീർത്തനങ്ങൾ  എന്നിവയും ചൊല്ലാം... മന്ത്ര ദീക്ഷ ലഭിച്ചവർക്ക്  9 ദിവസം നിശ്ചിത സംഖ്യ പുരശ്ചരണ സാധന ചെയ്യുന്നത് അത്യുത്തമം. നവരാത്രി സാധന ആർക്കൊക്കെ അനുഷ്ഠിക്കാം? സർവ്വ മനുഷ്യർക്കും ചെയ്യാം. മന്ത്രമെന്നത് മനുഷ്യ മനസിനെ അപാരമായ ശാന്തിയിലേയ്ക്ക് നയിക്കുന്ന മാർഗമാണെന്ന് ഋഷികൾ പറയുന്നു. ജാതി - മത ഭേദമന്യേ ആർക്കും മന്ത്രം ഉപാസിക്കാം. എ.വി. കൃഷ്ണകുമാർ

യോഗഎന്ത്? സഹസ്രാബ്ദങ്ങൾക്ക് മുമ്പ് ഭാരതത്തിൽ ഉത്ഭവിച്ച്, ഇന്ന്, ലോകമെങ്ങും പ്രചരിച്ചു കൊണ്ടിരിക്കുന്ന ഒരു ശാസ്ത്രമാണ് യോഗ. ആദിയോഗിയായ പരമശിവനിലൂടെ ആർഷ ഗുരുപരമ്പരകൾ വഴിയാണ് യോഗ പ്രചരിച്ചത്. ദക്ഷിണാമൂർത്തി, ആ ദിനാഥൻ, ദത്താത്രേയൻ, മത്സ്യേന്ദ്രനാഥൻ, ഗോരഖ്നാഥൻ, ഭോഗർ, അഗസ്ത്യൻ, വിശ്വാമിത്രൻ, ദുർവ്വാസാവ്, പതജ്ഞലി തുടങ്ങി അനേകം ഋഷി - ഗുരു പരമ്പരകളിലൂടെ യോഗയിലെ വിവിധ സമ്പ്രദായങ്ങൾ ഉരുതിരിഞ്ഞു. ജാതി - മത - വർഗ - വർണ - ലിംഗ - രാഷ്ട്ര ഭേദമന്യേ സർവ്വ മനുഷ്യർക്കും പരിശീലിക്കാവുന്ന മാനവ പരിണാമ ശാസ്ത്ര വിദ്യയാണ് യോഗ. യോഗ എന്തിന്? ശാരീരിക - മാനസിക - ബൗദ്ധിക - ആത്മീയ വികാസമാണ് യോഗ ലക്ഷ്യമിടുന്നത്. പൂർണ വ്യക്തി വികാസം, ശ്രേഷ്ഠസമാജ നിർമിതി, സർവ്വ പ്രശ്നങ്ങളുടെയും സമൂല പരിഹാരം, സമ്പൂർണ ജീവിത വിജയം, പൂർണ ആരോഗ്യം  എന്നിവയാണ് യോഗാനുഷ്ഠാനത്തിലൂടെ ലഭിക്കുന്ന ഗുണങ്ങൾ. ജീവിത ശൈലീ രോഗങ്ങൾ, പാരമ്പര്യ രോഗങ്ങൾ, മാനസിക പ്രശ്നങ്ങൾ എന്നിവയെ പരിഹരിക്കാനും, ശാന്തിയും, സന്തോഷവും, സമാധാനവും അനുനിമിഷം ജീവിതത്തിൽ പുലരാനും യോഗ ഒരുവനെ സഹായിക്കുന്നു. യോഗ എങ്ങനെ? യോഗ പഠിക്കേണ്ടത് ഒരു യോഗാചാര്യന്റെ നേരിട്ടുള്ള ശിക്ഷ...