സർവ്വ പ്രശ്നങ്ങളുടേയും സമൂല പരിഹാരം യോഗയിലൂടെ

*സർവ്വ പ്രശ്നങ്ങളുടേയും സമൂല പരിഹാരം യോഗയിലൂടെ..*

യോഗയുടെ വീക്ഷണത്തിൽ പ്രശ്നങ്ങളെ പൊതുവേ 3 ആയി തിരിക്കാം

1. ആദ്ധ്യാത്മികം (വ്യക്തി മൂലമുണ്ടാകുന്ന പ്രശ്‌നങ്ങൾ ; NB : ആത്മീയത എന്നർത്ഥമല്ല ആദ്ധ്യാത്മികത്തിന് ഇവിടെയുള്ളത് )

സ്വന്തം പ്രവൃത്തികൾ  കൊണ്ടോ, ജീവിത ശൈലിയിലുള്ള തകരാറുകൾ മൂലമോ, ഒരാൾക്ക് ശാരീരിക- മാനസിക- ബൗദ്ധിക - ആത്മീയ തലങ്ങളിൽ നേരിടുന്ന വിഷമതകൾ ആണ് ഈ വിഭാഗത്തിൽ വരിക

ഉദാഹരണമായി നിരന്തരമായ മദ്യപാനത്തിലൂടെ കരൾ രോഗ ബാധിതനായി കിടക്കുന്ന ഒരാൾ. അയാൾക്ക് ആ അവസ്ഥ വരാനുള്ള മൂലകാരണം ഒരു ആരോഗ്യ നിയമത്തിന്റെ ലംഘനം മൂലമാണ്.. ആത്യന്തികമായി സ്വന്തം ആരോഗ്യത്തെ ഈ വിധം നശിപ്പിച്ചതിന്റെ പൂർണ ഉത്തരവാദിത്വം ആ വ്യക്തിയിൽ നിക്ഷിപ്തമാണ്., മറ്റാരും അതിന് കാരണക്കാരല്ല.!

2. ആതി ഭൗതികം ( മറ്റുള്ളവരാൽ വ്യക്തിക്ക് ജീവിതത്തിൽ നേരിടേണ്ടി വരുന്ന വൈഷമ്യങ്ങൾ )

ഉദാ: റോഡിലൂടെ നടന്നു പോകുന്ന ഒരാളെ, ഒരു ബൈക്ക് ഇടിക്കുക, അയാളുടെ കാൽ ഒടിയുക, കുറേ പേർ ചേർന്ന് ഒരാളെ മർദ്ദിക്കുക, പട്ടി/ പാമ്പ് എന്നിവയുടെ ദംശനമേൾക്കുക etc

ഇവിടെ വ്യക്തി നേരിട്ട് അല്ലാതെ, മറ്റൊരാളാൽ / വാഹനത്താൽ / ജീവിയാൽ അനുഭവിക്കേണ്ടി വരുന്ന പ്രശ്നങ്ങൾ ഈ വിഭാഗത്തിൽ പെടും.

3. അതി ദൈവീകം ( പ്രകൃത്യാതീത ശക്തികളാലോ, സൂഷ്മ ശക്തി കളാലോ വ്യക്തിത് ഉണ്ടാകുന പ്രശ്നങ്ങൾ )

ഇടിമിന്നൽ, ഭൂകമ്പം, സുനാമി എന്നിവയാൽ വ്യക്തിക്ക് അപകടം പിണയുക / ജീവഹാനി സംഭവിക്കുക..

 ആഭിചാരം, ദുർമന്ത്രവാദം എന്നിവയാൽ വ്യക്തി ദ്രോഹിക്കപ്പെടുക.

എന്നിങ്ങനെയുള്ള കാര്യങ്ങ അതി ദൈവീക പ്രശ്നത്തിൽപ്പെടും...

ഇവിടെ ആത്യന്തികമായി ഈ മൂന്ന് പ്രശ്നങ്ങളും വ്യക്തിയാണ് അനുഭവിക്കേണ്ടി വരിക. അതിൽ അയാളുടെ വ്യക്തി ജീവിതത്തിന് , ഒപ്പം പൂർവ്വജന്മ കർമ്മങ്ങൾക്ക് ഏറെ സ്വാധീനമുണ്ട്..

യോഗനിഷ്ഠനായി ജീവിക്കുന്ന ഒരാൾക്ക് ഈ ത്രിവിധ പ്രശ്നങ്ങളിൽ /താപത്രങ്ങളിൽ / ദു:ഖങ്ങളിൽ  നിന്ന് മുക്തനാകാൻ കഴിയുമെന്ന് യോഗ പായുന്നു.

യോഗോപാസന, മന്ത്രജപം, ധ്യാനം, പ്രാർത്ഥന ഒപ്പം യോഗ നിർദ്ദേശിക്കുന്ന ശരിയായ ഒരു ജീവിതചര്യ പുലർത്തുന്ന ഒരാൾക്ക്  മേൽ സൂചിപ്പിച്ച താപത്രയങ്ങൾ ബാധിക്കില്ല എന്ന് ആചാര്യ വചനം

............
സസ്നേഹം,
എ.വി. കൃഷ്ണകുമാർ